Hapësire reklamuese

Showbiz & Lifestyle

Lumbardhi, Shqipe, Blenardo dhe Edona, ja kush e fitoi Big Brother VIP Kosova 2

Shkruar nga Newsbomb

Lumbardh Salihu është fituesi i Big Brother VIP Kosova 2. Pas 105 ditësh, spektakli më i ndjekur në Kosovë ka mbajtur mbrëmjen e djeshme e deri në orët e para të mëngjesit të sotëm finalen e madhe. Fituesi në këtë format shkon në shtëpi me 144.000 euro.

Blerando Lajçi është renditur i dyti, Shqipe Hysenaj e treta dhe Edona James e katërta. Lumbardhi është bërë pjesë e BBVK-së që prej natës së parë më 20 Tetor 2023.

Lumbardh Salihu Lumbardh Salihu © Klan Kosova

Përgjatë kësaj aventure të tij televizive, ai është përballur me një mori situatash interesante, të tensionuara, pikante e emocionuese. Siç shkruan Klan Kosova, ai ka gjetur edhe dashurinë e tij, Kaderin, me të cilin është lidhur brenda shtëpisë.

Blenardo Lajçi Blenardo Lajçi © Klan Kosova

Big Brother VIP Kosova hapi dyert dhe mirëpriti personazhe interesante të cilët u përqafuan nga audienca, sepse personifikonin të gjithë shqiptarinë në miniaturë. Ky ishte edicioni i dytë VIP në Kosovë, pasi edicioni i parë u fitua nga reperi i njohur nga Shqipëria, Arkimed Lushaj, i njohur dhe si Stresi.

Shqipe Hysenaj (Foto: Shqipe Hysenaj/Instagram) Shqipe Hysenaj (Foto: Shqipe Hysenaj/Instagram)

Lumbardh Salihu është djali i ish-deputetit të Lëvizjes Vetëvendosje, Salih Salihu. Ish-futbollisti me origjinë nga Vitia ka rezultuar banori më i votuar mes katër finalistëve.

Përgjatë qëndrimit në Big Brother VIP Kosova, Lumbardhi u shqua si një djalë i kulturuar dhe me edukatë, i cili herë pas here krijonte edhe situata dhe merrte pjesë edhe në debate të ndryshme.

Edona James (Foto: Big Brother VIP Kosova/YouTube) Edona James (Foto: Big Brother VIP Kosova/YouTube)

Ish-banori i shtëpisë Big Brother VIP Kosova 2, Gani Gërmia, nuk u pa prezent në studio krahas banorëve të tjerë të eliminuar. Ai mesa duket ka injoruar finalen e madhe, për shkak se doli parakohe nga shtëpia e BBVK, sepse akuzoi produksionin se i kishte publikuar një video teksa pinte alkool fshehtas në shtëpi.

Në po të njëjtën ditë ai ka marrë dhuratë një fanellë nga futbollisti i Kombëtares Shqiptare, Jasir Asani, me shënimin “Ti je fitues i këtij Big Brother vëlla”.

Sondazh

Poll

Lexo gjithashtu

Hapësire reklamuese