“Edhe 4 vite të tjera si këto 8 vite, apo ndryshim?” Kjo është pyetja që shqiptarët duhet t’i japin përgjigje sipas Lulzim Bashës; duan ndryshim apo duan të qëndrojnë nën qeverisjen e Partisë Socialiste.
“E di që ky muaj është një muaj sprove e dyfishtë, për gjendjen ku është vendi dhe sprova që sjell muaji i bekuar i Ramazanit”, tha Basha duke iu drejtuar të gjithë shqiptarëve dhe veçanërisht atyre që agjërojnë, teksa udhëtonte me makinë për në takimin e radhës me demokratët.
Sipas tij, PD dhe ekspertët e saj kanë qenë në çdo shtëpi e në çdo zonë dhe i njohin nga afër problemet e njerëzve. “Kemi punuar për një program realist, kemi qenë në shtëpitë tuaja, në arat tuaja. Kemi qenë në auditore. I njohim dhe i ndjejmë problemet tuaja. Se që të zgjidhësh një problem, duhet ta njohësh dhe ndjesh atë.”
"Dua tju them fare qartë se e vërteta e demokracisë është se ndryshimi që kërkoni, e keni ju në dorë. Ju mund ta bëni ndryshimin realitet. Të gjithë kemi të njëjtin pushtet në 25 prill. Eshtë bashkimi i votave e vetmja mënyrë për të sjellë ndryshim.
Ju the se tani është koha të bëhëmi të gjithë bashkë, të gjithë bashkë për ndyshim. Secili të marrë përgjegjësinë me votë.
Edhe 4 vite të tjera si këto 8 vite, apo ndryshim? Këtë e keni ju në dorë. Vetëm ju keni mundësinë të ndryshoni Shqipërinë. Ju keni mundësi të mbroni të ardhemn e fëmijëve tuaj", shtoi Lulzim Basha, kreu i PD.