Atletja shqiptare, Luiza Gega, tashmë pjesë edhe e Forcave të Armatosura të Republikës në Policinë Ushtarake, ka siguruar medaljen e bronzit në Lojërat Olimpike Ushtarake Botërore që po mbahen në Wahan të Kinës.
Luiza Gega fitoi vendin e tretë me 3 mijë metra pengesa.
Lajmin e fitores e ka bërë të ditur ministrja e Mbrojtjes, Olta Xhaçka, e cila përmes një postimi në rrjete sociale i uron fitoren dhe ndihet krenare për këtë arritje të sportistes shqiptare.
“Nëntetare Luiza Gega na nderoi të gjithëve duke fituar medaljen e bronzit”, shkruan ministrja.