Hapësire reklamuese

Politikë

“LSI” dhe “RD” nuk gjejnë paqe për “vjedhjen e votës”, sherri në studio televizive mes partitsë dhe gazetës

Shkruar nga Newsbomb

Lëvizja socialiste për Integrim dhe Partia Demokratike i kanë “nxehur” negociatat që duhet të bënin pas procesit gjyqësor të kërkuar nga LSI kundër organit zyrtar të PD, gazetën “Rilindja Demokratike”. 

“Loja” u hap paraditen e djeshme nga Ilir Meta që deklaroi se zyrtarët e RD që kanë “shpifur” sipas tij në faqen e parë me një titull dhe një personazh që pretendojnë se është i LSI dhe ka vjedhur zgjedhjet, dhe më pas zbriti në mbrëmje në studiot e emisionit “Opinion”.

Blendi Kasmi, kryeredaktor i RD, dhe Luan Rama, sekretar i përgjithshëm i LSI, në ndërhyrje telefonike në studion e Fevziut, akuzuan njëri tjetrin për shpifje.

“Ne nuk kemi kërkuar pajtim. Ne jemi pala paditëse. Nëse do të donim pajtim mes palëve, do të tërhiqeshim nga padia. Kjo është gjëja më e thjeshtë që edhe një njeri me katër klasë shkollë e merr vesh. Janë bërë 14 seanca gjyqësore. Në seancën e fundit, kryeredaktori i RD pretendoi se lajmin që kanë botuar e kanë marrë nga rrjetet sociale dhe nuk kanë dijeni për vërtetësinë e tyre. Kryeredaktori I RD (Kasmi) kërkoi që në të njëjtën hapësirë të bënte pergenjeshtrim, dhe pala jonë, është duke u menduar për këtë element të ri. Sepse unë jam vetë gazetar, dhe nuk do të donim që të fitonim ndaj RD” tha në lidhje telefonike Luan Rama.

Por Bledi Kasmi, kryeredaktor i RD ndërhyn në lidhje telefonike dhe pretendon se Rilindja Demokratike i qëndron artikullit që ka publikuar. “Luan Rama gënjen. Ne nuk kemi kërkuar falje. Ata kanë kërkuar pajtim. Ne nuk i heqim asnjë presje artikullit që kemi publikuar” tha Kasmi në lidhje telefonike.

E menjëhershme ka qenë edhe ndërhyrja e Ramës menjëherë pas kësaj telefonate: “Atëherë nëse është kështu kjo do të thotë se në datën 2 shkurt do të përballemi në gjykatë. Në seancën e radhës. Meqë Kasmi thotë se do të botonte në të njëjtin vend artikullin, atëherë le tia lëmë gjykatës të përcaktojë se kush ka të drejtë”, tha Rama.

Debati mes tyre kaloi me tone të zjarrta për një shkrim të publikuar në faqen e parë të RD, i cili u evidentua nga Meta në konferencën për zgjedhjet. RD në artikull pretendonte se një person i LSI ishte duke ndarë lekë në kërkim të votës. Ndërkohë LSI ka paditur RD për shpifje në gjykatë. 

Lexo gjithashtu

Sondazh

Gazetari Eduard Ilnica është dhunuar barbarisht mbrëmjen e së hënës nga disa persona. Për shkak të një shkrimi botuar në gazetën lokale për ekipin e Kastriotit.

Sakaq, ka reaguar demokrati Genc Pollo që akuzon qeverinë për mosmarrje dënimi apo solidarizim për rastin në fjalë.

Pollo thotë se liria e shtypit ka rënë poshte.

“Edhe një gazetar tjetër i dhunuar barbarisht pasi bëri detyrën, raportoi për dhunën në stadium. Në mes të Tiranës! Asnjë dënim apo solidarizim nga qeveria, ministri i Brendshëm, i Sportit. Si dhe më parë. Liria e shtypit poshtë”, shprehet deputeti në një deklaratë për mediat.