Tirana
clear sky
23.5 ° C
23.5 °
23.5 °
78 %
1.5kmh
0 %
Die
40 °
Hën
39 °
Mar
39 °
Mër
40 °
Enj
33 °
E diel, 1 Gusht, 2021

LSI akuzon KAS-in: Faktet tronditëse nuk u morën parasysh, do ta vazhdojmë betejën në Kolegjin Zgjedhor

spot_img
spot_img

Lajme të ngjashëm

Pasi nuk arriti të përmbyste rezultatin në qarkun e Beratit edhe pas rinumërimit të 114 qendrave të votimit, Lëvizja Socialiste për Integrim ka akuzuar KAS-in se heshti para provave duke zbatuar urdhrin politik të ardhur nga mazhoranca.

Sipas Sekretarit të Përgjithshëm të LSI-së, Endrit Braimllari, LSI paraqiti fakte tronditëse, por Komisioni Ankesave dhe Sanksioneve nuk i mori parasysh.

Ai u shpreh se beteja do të vijojë në Kolegjin Zgjedhor, ku do të paraqiten fakte konkrete për pavlefshmërinë e procesit zgjedhor.

Deklarata e plotë:

I gjithë procesi i trajtimit të ankesave të LSI nga ana e KAS vërtetoi se mandati i LSI është grabitur në tavolinë.

Vendimmarrja e KAS, për të quajtur të vlefshme 24 qendra votimi të mbushura nga Rilindja të faktuara dhe të vërtetuara nga procesverbalet dhe nga informacioni zyrtar, i firmosur nga numëruesit dhe komisionerët e PS vërtetoi të gjitha pretendimet tona.

Në 24 qendra votimi në qarkun e Beratit të vertetuara ka 115 shkelje të rënda të cilat vërtetojnë qartazi ndërhyrjen në proces dhe brenda në kuti.

Është i vërtetuar, fakti kriminal që 19 shtetas votojnë 54 herë ndërkohë që ka me qindra informacione të tjera për votime të së njëjtës natyrë në të gjitha qendrat e votimit në qarkun e Beratit.

Është vërtetuar që ka më shumë fletë votimi në kuti sesa votues, në Berat dhe në të gjithë Shqipërinë.

Është vërtetuar që janë dorëzuar kuti me fletë votimi më shumë sesa janë marrë në dorëzim. Pra, edhe një herë kutitë janë mbushur nga Rilindja duke na kthyer pas në kohët më të errëta të zgjedhjeve në Shqipëri.

Këto fakte tronditëse, nuk janë marrë parasysh nga KAS, i cili heshti duke zbatuar një urdhër politik dhe u bërë pjesë e shkatërrimit të procesit zgjedhor dhe grabitjes së mandatit të LSI.

Ne nuk do të ndalemi, do ta vazhdojmë betejën tonë në Kolegjin Zgjedhor ku do të paraqesim fakte konkrete për pavlefshmëri të procesit. LSI është e vendosur për t’i shkuar deri në fund zbardhjes të së vërtetës dhe për të çuar në vend vullnetin e qytetarëve.

Më shumë

spot_img
spot_img