Shefi i Komisariatit të Policisë që mbulon zonën e Liqenit Artificial në Tiranë është shkarkuar mbrëmjen e djeshme nga detyra me urdhër të Drejtorit të Përgjithshëm Ardi Veliu.
Lajmin e ka dhënë kryeministri Rama në emisionin Opinion. Kryeministri ka thënë se për shkak se Liqeni ka qenë i mbushur me qytetarë pas përfundimit të orarit zyrtar, për shkak të covid-19, Drejtori Veliu ka marrë masë të menjëhershme duke shkarkuar shefin e komisariatit që mbulon zonën.
“Dje është shkarkuar shefi i komisariatit që mbulon zonën e liqenit në Tiranë. Dje pas orarit zyrtar ka pasur një numër shumë të lartë qytetarësh dhe drejtori Ardi Veliu ka vepruar menjëherë”, tha kryeministri Rama pak më parë.