Pakistani është mbërthyer nga portesta të fuqishme që kanë nisur fillimisht në kryeqytet Islamabad dhe po fillojnë të shëprndahen në të gjithë qytetet e tjera.
Policia e Pakistanit, e përforcuar me njësite elitare të armatës, ka përdorur gaz lotsjellës dhe topa të ujit për t’i shpërndarë demonstruesit. Arsye për protestën është ndryshimi i ligjit dhe lutja të cilën çdo politikan i përzgjedhur do të duhet ta japë, e cila është e papranueshme për partitë islamike në Pakistan.
Në Islamabad përleshja ka ndodhur në rrugën Fajzabad e cila gjatë dy javëve të fundit ishte bllokuar nga ana e demonstruesve lidhur me lëvizjen myslimane Tehrik dhe Labaik Ja Rasul Allah.
Demonstruesit refuzuan të tërhiqen nga rruga pas disa vendimeve të marra gjyqësore se protesta e tyre është e paligjshme, raporton Portalb.mk. Disa mijëra njerëz kanë marrë pjesë në protestat, ndërsa shumica e udhëheqësve të organizatës janë akuzuar për organizimin e trazirave dhe sulmeve ndaj policisë.