Hapësire reklamuese

Bota

Lidhje me Shtetin Islamik, Turqia arreston 304 persona në një operacion

Shkruar nga Newsbomb
Lidhje me Shtetin Islamik, Turqia arreston 304 persona në një

Autoritetet turke kanë arrestuar 304 persona të dyshuar për lidhje me grupin militant, Shteti Islamik në një operacion të zhvilluar në 32 provinca.

Shumica e të dyshuarve u arrestuan në tre qytetet më të mëdha të vendit, Ankara, Stamboll dhe Izmir. Ndërsa lajmin e ka bërë me dije ministri i Brendshëm, Ali Yerlikaya. Ai njoftoi se operacioni i koduar “Heroes-34” u zhvillua njëkohësisht në të gjithë vendin.

"Ne nuk do të lejojmë asnjë terrorist të kërcënojë paqen dhe unitetin e popullit tonë. Ne do të vazhdojmë luftën tonë me përpjekjet intensive të forcave tona të sigurisë," tha ai, duke postuar imazhe nga operacioni që tregojnë policinë duke bastisur apartamente dhe ndërtesa.

Shteti Islamik kontrolloi një të tretën e Irakut dhe Sirisë në vitin 2014. Ushtarët e tij vazhdojnë të kryejnë sulme terroriste. Në Turqi kanë kryer disa sulme, duke përfshirë një në një klub nate të Stambollit më 1 janar 2017, në të cilin u vranë 39 persona.

Në javët e fundit, autoritetet turke kanë shtuar operacionet kundër Shtetit Islamik dhe militantëve kurdë, pasi këta të fundit shpërthyen bomba pranë ndërtesave qeveritare në Ankara më 1 tetor.

Sondazh

Poll

Lexo gjithashtu

Hapësire reklamuese