Alexis Tsipras, lideri i opozitës greke ka marrë dorën e tretë të vaksinës. Ai thotë se ka zgjedhur t'i bashkohet rrugës së shkencës dhe të jetës, duke u mbrojtur nga infeksionit Covid-19.
"Doza e tretë. Ne po vaksinohemi. Zgjedhim rrugën e shkencës dhe të jetës", shkruan ish-kryeministri i Greqisë dhe ndan foton e mëposhtme. Ndryshe nga shumë vende të tjera ku skepticizmi për vaksinën ëhstë i lartë, në vendin fqinj edhe lideri i opozitës ka zgjedhur të japë mesazhin e tij duke u vaksinuar, shkruan newsbomb.al.
Greqia po përballet me raste në rritje me virus, dhe për shkak të kësaj, janë marrë masa të reja për dyqanet e vogla dhe parukeritë. Nga sot do të lejohen hyjnë vetëm ata persona që janë vaksinuar ose që e kanë kaluar covid në muajt e fundit, ose klientët që paraqesin një test negativ.