Hapësire reklamuese

Aktualitet

Lëvizte me armë zjarri dhe municion luftarak në makinë, arrestohet 45 vjeçari në Shijak

Shkruar nga Newsbomb
Lëvizte me armë zjarri dhe municion luftarak në makinë,

Një 45 vjeçar është arrestuar nga Policia e Shijakut, pasi lëvizte me armë zjarri dhe municion luftarak në makinë.

Bëhet me dije se në pranga ka rënë shtetasi me iniciale A. Q., 45 vjeç, banues në Shijak, i cili akuzohet për veprën penale: “Mbajtja pa leje dhe prodhimi i armëve, armëve shpërthyese dhe i municionit”. Gjatë kontrollit të mjetit, efektivët zbuluan dhe sekuestruan një armë zjarri dhe municion luftarak.

Njoftimi i Policisë:

Shijak/Vijojnë kontrollet “blic”, për evidentimin dhe goditjen e paligjshmërive.

Finalizohet operacioni policor i koduar "Hidden", evidentohet dhe goditet një tjetër rast i armëmbajtjes pa leje.

Sekuestrohen një armë zjarri pushkë dhe një sasi municioni luftarak, vihet në pranga poseduesi.

Shërbimet e Komisariatit të Policisë Shijak, në vijim të kontrolleve “blic”, të ushtruara në ambiente të ndryshme, me qëllim evidentimin dhe goditjen e paligjshmërive, në bazë të informacioneve të siguruara në rrugë operative për një shtetas që mbante armë zjarri pa leje, organizuan dhe finalizuan operacionin policor të koduar “Hidden”, si rezultat i të cilit u arrestua në flagrancë shtetasi:

-A. Q., 45 vjeç, banues në Shijak, për veprën penale “Mbajtja pa leje dhe prodhimi i armëve, armëve shpërthyese dhe i municionit”.

Bazuar në informacionet e siguruara në rrugë operative, shërbimet e Policisë kanë ushtruar kontroll në banesën e këtij shtetasi, ku kanë gjetur të fshehur një armë zjarri pushkë dhe një sasi municioni luftarak, të cilat u sekuestruan në cilësinë e provës materiale.

Materialet i kaluan Prokurorisë pranë Gjykatës së Shkallës së Parë Durrës, për veprime të mëtejshme.

Sondazh

Poll

Lexo gjithashtu

Hapësire reklamuese