Vetëm pak minuta pas përplasjes mes deputetit demokrat Flamur Noka dhe socialistit Erjon Braçe, ku Noka goditi me letër Braçen ka rinisur seanca plenare dhe është ndërprerë sërish.
Nënkryetarja e kuvendit Valentina Leskaj ka kërkuar përjashtimin e deputetit Noka nga seanca e sotme, por menjëherë ka reaguar kreu i grupit parlamentar të PD-së, Edi Paloka i cili ka kërkuar edhe përjashtimin e deputetëve Taulant Balla dhe Braçe pasi sipas tij gjatë gjithë seancës kanë fyer Nokën.
“E lexuat shumë mirë rregulloren dhe ne kërkojmë të zbatohet me përpikmëri. Ju kërkoj të përjashtoni deputetin Balla dhe Braçe të cilët kanë fyer gjatë gjithë kohës deputetin Noka. Ligji nuk mund të jetë i njëanshëm. Mos u bëni qesherarake, ju e paskeni parë në televizor Nokën” tha Paloka