Lektori Blendi Kajsiu thotë se kreu i PD Lulzim Basha nuk u bë dot lider as në këtëo zgjedhje pasi nuk krijoi një ide se përse opozita duhet të vinte në pushtet.
I ftuar në PolitikON, lektori u shpreh se opozita në 25 prill u fut në zgjedhje jo me një fabul të vetën, por duke menduar se i erdhi radha për pushtet dhe njerëzit ishin të pakënaqur me Ramën.
“Basha nuk u bë lider dhe nuk krijoi një fabul për opozitën. Nuk krijoi një ide pse duhet të vinte në pushtet opozita. Ata u futën në zgjedhje se u erdhi radha dhe njerëzit ishin të pakënaqur me Ramën. Këtë e tregonin të gjitha sondazhet. PD doli aty dhe tha se nuk kanë nga të shkojnë njerëzit dhe tek ajo do të shkonin”, tha ai.