Thonë se fëmijët e vegjël ndjekin shembullin e prindërve të tyre, duke i imituar në çdo gjë, ndaj veprimi i Princeshës së Britanisë e konfirmon më së miri.
Princesha Charlotte, e bija e Princit Ulliam dhe Princeshës Kate Middleton ka vendosur ta festojë ditën e 5 vjetorit të saj duke shpërndarë makarona të bëra në shtëpi për pensionistët.
Së bashku me prindërit e saj, ajo shpërndau ushqime për pensionistët e varfër të Nofolkut, të izoluar nga koronavirusi në shtëpitë e tyre.
Charlotte është në shumë aspekte imazhi vajzëror i nënës së saj, ndërsa buzëqeshja të kujton babain Uilliam, thotë Daily Mail.
E qeshur dhe e lumtur për gjestin e mirë që po bënte, Princesha e vogël trokiti në çdo derë dhe i dha ushqimet pensionistëve, duke i lumturuar të moshuarit por edhe duke treguar që edukata që i kanë mësuar prindërit vlen më shumë se titulli që mban.
Për rreth 5 javë familja mbretërore ka shpërndarë ushqime për njerëzit e varfër, ndërsa këtë herë nismës iu bashkua edhe princesha e vogël.
Sipas Daily Mail, Princi Uilliam , Princesha Kate, dhe fëmijët e tyre Charlotte dhe George, shpërndanë ushqime për më shumë se du orë e gjysmë, duke lëvizur me makinën e tyre në lagjet e varfra.
Një nga banorët që i kishte parë tha i surprizuar: "Ata po lageshin nga shiu që po binte, por ishin të vendosur ta vazhdonin misionin e tyre deri në fund".
Një leksion sjellje i treguar nga familja mbretërore, që tregon se titulli nuk është asgjë në krahasim me humanizmin dhe solidaritetin.