Komisioni Europian refuzoi kërkesën e Hollandës për rikthimin e vizave për shqiptarët.
Pas kësaj, kanë ardhur reagimet e para nga mazhoranca.
I rradhës që reagon është ish-ministri i Jashtëm Ditmir Bushati i cili thotë se pas këtij vendimi duhen zbatuar me rigorozitet standartet e liberalizimit të vizave.
“Pas vlerësimit të kërkesës së Hollandës, Komisioni Evropian konsideron se rrethanat për të shkaktuar "mekanizmin e pezullimit të vizave" nuk plotësohen në rastin e Shqipërisë. Le të ndërtojmë mbi këtë konfirmim dhe të vazhdojmë të zbatojmë standardet rigoroze të liberalizimit të vizave!”, shkruan Bushati.