Të shtëna me armë te Uji i Ftohtë në Vlorë, policia ka arritur në vendngjarje.
Sipas raportimeve të para një person ka qëlluar me armë zjarri në ajër në lagjen ’10 korriku’ te Uji i Ftohtë, pranë ish SHIK-ut.
Autori ende i paidentifikuar ka qëlluar me një armë të tipit pistoletë dhe më pas është larguar nga pas pallatit që duket në këto pamje.
NJOFTIMI I POLICISË:
Vlorë
Informacion paraprak
Rreth orës 11:40, ka ardhur një telefonatë se një person dyshohet të ketë qëlluar me armë zjarri në ajër, në lagjen “10 Korriku” Vlorë. Janë ngritur grupe të posaçme për kontrollin e territorit dhe po punohet për kapjen e autorit.
Bëjmë me dije se nuk ka asnjë person të dëmtuar. Grupi hetimor po punon për sqarimin dhe zbardhjen e rrethanave të ngjarjes