Hapësire reklamuese

Rajoni

Lajm i mirë në Kosovë: Nuk shënohet asnjë viktimë nga Covid-19, janë vetëm pak raste pozitive

Shkruar nga Newsbomb
Lajm i mirë në Kosovë: Nuk shënohet asnjë viktimë

Lajm i mirë vjen nga Kosova. Gjatë 24 orëve të fundit janë shënuar vetëm 23 raste pozitive, ndërkohë që janë shëruar 130 persona.

Fatmirësisht nuk është regjistruar asnjë viktimë duke i dhënë frymëmarrje vendit.

Njoftimi i plotë i IKSHPK

Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, si dhe laboratoret publike dhe private me metodën RAT, janë testuar gjithsej 2.120 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 23 raste pozitive.

Brenda 24 orëve nuk është raportuar asnjë rast i vdekjes me SARS CoV-2 pozitiv.

Numri total i rasteve pozitive është 107.405 raste nga 609.350 persona të dyshimtë në virusin SARS-CoV-2 dhe 2.243 raste të vdekjes.

Gjatë 24 orëve të fundit, janë shëruar 130 pacientë derisa numri i përgjithshëm i të shëruarve deri më sot është gjithsej 102.782 raste, kurse numri i rasteve aktive është 2.380.

 Rastet pozitive janë nga komunat: Mitrovicë 6 raste, Prishtinë 5 raste, Pejë 2 raste, Vushtrri 2 raste dhe me nga një rast komunat Ferizaj, Fushë-Kosovë, Gjilan, Junik, Obiliq, Podujevë, Prizren dhe Shtime.

Mbuloni gojën dhe hundën me maskë! Mbani higjienën! Respektoni distancën!

Lexo gjithashtu

Sondazh

Poll