Arta Mandro është zgjedhur anëtarja e Këshillit të Lartë të Prokurorisë nga trupa e pedagogëve të fakulteteve të Drejtësisë dhe të Shkollës së Magjistraturës.
Mandro, më 23 shtator u zgjodh anëtare e Këshillit të Lartë të Prokurorisë në shortin e tretë të hedhur nga nënkomisioni i Ligjeve që zgjedh kandidatët nga lista e trupës së pedagogëve.
Gjatë votimit në Parlament, Mandro mori 58 vota pro, 5 kundër dhe 2 abstenim, por pavarësisht se nuk mori shumicën e kërkuar, ligji përcakton që në votimin e tretë në Parlament kandidati konsiderohet i zgjedhur.