Komisioni i Etikës në Kuvendin e Shqipërisë, ka marrë vendim për të përjashtuar 10 ditë nga seancat plenare dhe komisionet përkatëse, 10 deputetë të opozitës të cilët në një nga seancat e fundit bllokuan foltore.
“U mor vendimi për të përjashtuar për 10 ditë të gjithë deputetët që janë parashtruar në kërkesë. Ne do të marrim vendim me të gjithë deputetët e tjerë, për një strategji si do vazhdojmë”, tha ndër të tjera Bledjon Nallbati, deputet i PD.
Tetë deputetët e përjashtuar nga veprimtaria parlamentare për 10 ditët e ardhshme janë: Luçiano Boçi, Ina Zhupa, Albana Vokshi, Luan Baçi, Tritan Shehu, Ervin Salianji, Gazment Bardhi dhe Bledion Nallbati.
Mbledhja për këtë çështje e vendim ka nisur prej orëve të paradites së kësaj të mërkure, me debatet që kanë nisur mes deputetëve të PD dhe PS, në Komisionin e Etikës. Drejtuesja Klotilda Bushka ka kërkuar që të ndërpritej transmetimi i drejtpërdrejtë, ndërsa demokratët u janë drejtuar platformave online.
Debatet vijuan me përplasje dhe akuza me deputetët demokratë që e cilësonin mbledhjen “nul” sepse sipas tyre, kishin kaluar afatet dhe kërkesa ishte bërë nga shtatë deputetë jo aktiv në parlament. Motivet sipas demokratëve ishin politike, për të feshehur aferën Rama-McGonigal.
Lexo edhe: Ndërpritet me debate mbledhja te Etika, PS kërkon përjashtimin e 8 deputetëve “rebelë” të PD