Sot, teksa Kuvendi i Shqipërisë po diskutonte çështjen e shkarkimit të Kreut të Shtetit, Ilir Meta është fotografuar në një kafe në Tiranë në shoqërinë e disa personave.
Në fillim ai ka qenë ulur me këshilltarin e tij Dritan Ylli, por më pas tavolinës i është bashkuar edhe deputeti socialist, Anastas Angjeli bashkë me një person tjetër që nuk dallohet në foto.
Ish-ministri i financave nuk garoi në këto zgjedhje për mandatin e deputetit, kështu këto seanca para shtatorit janë të fundit për të.
Mësohet se takimi mes Metës dhe Angjelit, ka zgjatur për rreth 40 minuta, ndërkohë që nuk dihet nëse deputeti socialist është ulur me Metën për të diskutuar rreth temës më të nxehtë, atë të shkarkimit të tij, apo ka qenë thjeshtë një takim miqësor.