Para pak minutash, newsbomb.al publikoi listën e pagave të deputetëve për janarin 2020 e ku vihej re që një pjesë e mirë kishin munguar në seanca e komisione dhe për këtë ishin edhe penalizuar.
Mirëpo, në gjithë atë listë me mbi 1.5 mln të ardhura pagë mujore për secilin deputet, binte në sy një emër i cili me kërkesë të tij, nuk kishte marrë ‘kokërr leku’.
Është fjala për deputetin e opozitës së re Erion Piciri nga lista e Lulzim Bashës për Tiranën.
Piciri ka hequr dorë nga paga dhe përfitimet e tjera të buxhetit të shtetit sapo hyri në Parlament duke mos prekur paratë e taksapaguesve shqiptarë.
I pyetur nga newsbomb.al se pse nuk e merr rrogën si gjithë parlamentarët e tjerë, Piciri thotë se ka hyrë në politikë për ndryshim dhe jo për qëllime financiare.