Numri dy i Frymës së Re Demokratike, Gazmend Oketa, është gjithmonë shumë i sjellshëm me të gjithë. Nuk refuzon asnjë dhe asgjë. Dhe ja ku e shohim në këtë foto, kur Oketa, e ka lënë punën si funksionar partie, dhe bën rolin e fotografit për të rinjtë e Frymës së Re Demokratike.
Patjetër që kërkesa i ka ardhur nga të rinjtë që e kanë pritur shumë këtë moment, duke e shkëputur Gazin, nga punët e tij të përditshme. FRD është përfshirë javët e fundit në një aktivitet të zgjeruar nëpër rrethe, jo vetëm për riorganizimin e strukturave, por edhe për marrjen e mendimit të bazës për qëndrimin që duhet të mbahet për zgjedhjet vendore të qershorit 2015. FRD ende nuk ka vendosur nëse do të jetë e vetme në këtë garë, apo do të bashkohet me ndonjë forcë politike.