Italia ka mbyllur siparin e një prej ngjarjeve më prestigjioze në panoramën poetike, ndarjen e çmimit të 36-të të letërsisë Francesco Belluomini “Camaiore – Poezia”, shkruan newsbomb.al. Fitues është shpallur shkrimtari Stefano Dal Bianco me veprën e tij “Paradiso”.
Megjithatë, çmime të rëndësishme kanë marrë dhe një sërë shkrimtarësh të tjerë dhe mes tyre dhe shqiptari Visar Zhiti.
Diplomati dhe shkrimtari shqiptar i përndjekur gjatë regjimit komunist, është shpallur fitues i Çmimit Ndërkombëtar për veprën e tij "Rrugët që rrjedhin nga duart e mia" (Puntoacapo Editrice). Libri është botuar në një botim dygjuhësh shqip-italisht.
"Rrugët që rrjedhin nga duart e mia" tregon historinë e poetit Visar Zhiti, në kur ai u burgos dhe u detyrua të punonte në minierë nga regjimi i Enver Hoxhës. Edhe përse kaloi një pjesë të konsiderueshme të jetës në burg, Zhiti nuk hoqi dorë nga poezia.
Gjatë mbrëmjes u alternuan momente reflektimi për rolin e poezisë sot dhe për rëndësinë e nismave kulturore si çmimi Camaiore, i cili çdo vit vijon t'u japë zë zërave të rinj dhe të konsoliduar të panoramës poetike italiane. Ajo shihet si një ngjarje që afron publikun e gjerë me poezinë dhe ofron një hapësirë njohjeje për autorët që përmes vargjeve të tyre e përshkruajnë botën me sy të rinj.
Ceremonia e ndarjes së çmimeve këtë vit pati një rëndësi të veçantë, duke shënuar një epokë të re për Çmimin pas ndarjes nga jeta të presidentes historike Rosanna Lupi. Drejtues i eventit si president i ri është Michele Brancale, tashmë anëtar i jurisë, e cila e priti me nder të madh trashëgiminë e lënë nga Lupi, duke vazhduar angazhimin e tij për valorizimin e poezisë bashkëkohore.
© Newsbomb.al
Ceremonia e ngjarjes Çmimi i 36-të letrar Camaiore
Sondazh
Lexo gjithashtu
