Një foto e bukur e hedhur në rrjetet sociale nga këngëtarja e larguar prej kohësh nga Shqipëria Alida Hisku me këngëtaren shumë të njohur të muzikës së lehtë shqiptare sidomos para viteve ’90 Ema Qazimi.
Dy yjet e artit shqiptar, të adhuruara nga mijëra fansa të tyre, për vite e vite me radhë me këngët që i kanë kënduar aq bukur në rininë e tyre e vazhdojnë të këndohen dhe sot.
Ema dhe Alida nuk kanë dalë prej shumë kohësh në skenë, por siç shihet nga portreti i tyre, kanë ruajtur origjinalitetin si dikur, edhe pse vitet e moshës kanë bërë të vetën në portretin e tyre.
Janë zonja që kontribuan me zërin e tyre në shoqërinë e ngurtë shqiptare atëkohë, e shumë breza u rritën me këngët e tyre.
Alida Hisku, 68 vjeç sot, u bë e njohur me zërin e saj në vitet 70. Deri në vitet ’90 jetoi në Shqipëri e pas kësaj kohe, u shpërngul në Gjermani.
Ndërsa Ema Qazimi këtë nëntor do të festojë 70 vjetorin e vet. Zëri i saj, muzika, këngët, janë sot tekste që kalojnë brez pas brezi duke ruajtur origjinalitetin e tyre të dikurshëm, por jo vokalitetin e Emës.
Sondazh
Lexo gjithashtu
