Hapësire reklamuese

Aktualitet

Kultivonte drogë rreth shtëpisë, arrestohet vlonjati, i sekuestrohet një automatik

Shkruar nga Newsbomb

Policia e Vlorës ka arrestuar një person, pasi kultivonte bimë narkotike përreth banesës së tij.

Bëhet fjalë për shtetasin me iniciale G.J., 54 vjeç, banues në fshatin Velçë.

Nga kontrolli i banesës dhe këqyrja e territorit përreth, shërbimet e policisë kanë konstatuar të mbjella disa fidanë narkotikë, si dhe në vijim të kontrollit kanë gjetur dhe sekuestruar rreth 1.5 kilogramë cannabis sativa dhe një armë zjarri automatik model 56.

Vlorë/ Njoftimi i policisë:

Finalizohet një tjetër operacion policor i koduar "Velçë", për goditjen e tentativës për kultivim të bimëve narkotike.

Sekuestrohet një armë zjarri, një sasi e vogël lëndë narkotike, si dhe asgjësohen disa fidanë narkotikë të kultivuar në territorin përreth banesës së 54-vjeçarit, i cili është vënë në pranga.

Në vijim të kontrollit të territorit për parandalimin e kultivimit të bimëve narkotike, si dhe në bazë të informacioneve të siguruara në rrugë operative nga Strukturat e Hetimit të Narkotikëve dhe Trafiqeve pranë DVP Vlorë se në fshatin Velçë, një shtetas kishte kultivuar fidanë në territorin e banesës së tij, menjëherë është organizuar dhe finalizuar operacioni policor i koduar "Velçë", si rezultat i të cilit u bë kapja dhe arrestimi në flagrancë i shtetasit G.J., 54 vjeç.

Nga kontrolli i banesës dhe këqyrja e territorit përreth, shërbimet e policisë kanë konstatuar të mbjella disa fidanë narkotikë, si dhe në vijim të kontrollit kanë gjetur dhe sekuestruar rreth 1.5 kilogramë cannabis sativa dhe një armë zjarri automatik model 56.

Materialet iu referuan Prokurorisë në ngarkim të tij për veprat penale "Kultivimi i bimëve narkotike", "Prodhimi dhe shitja e narkotikëve", "Mbajtja pa leje dhe prodhimi i armëve, armëve shpërthyese dhe municioneve".

Sondazh

Poll

Lexo gjithashtu