Tirana
overcast clouds
16 ° C
16 °
16 °
82 %
1.5kmh
90 %
Sht
15 °
Die
21 °
Hën
23 °
Mar
22 °
Mër
19 °
E shtunë, 15 Maj, 2021
spot_img

Kryetari i “Nismës Thurje” flet pasi nuk siguruan asnjë deputet: Votat u tjetërsuan, tani kemi një arsye më shumë për të vazhduar rrugën tonë

spot_img

Lajme të ngjashëm

Kryetari i “Nismës Thurje”, Endri Shabani ka bërë një deklaratë për mediat, pasi përfundoi numërimi i votave në të gjithë vendin, ku fituese doli Partia Socialiste.

Pavarësisht se nuk arritën që të siguronin votat e mjaftueshme për t’u futur në parlament, ata kanë falenderuar të gjithë ata që i mbështetën gjatë fushatës zgjedhore.

Shabani ka thënë se votat e tyre u tjetërsuan nga sistemi, prandaj gjejnë arsye më shumë për të vazhduar sërish rrugën e tyre.

“U futët në garë duke e ditur se kishit përballë, drogë para dhe patronazhista. Të gjithë bashkë në garën e sistemit bëmë të mundur që të ishim partia e re më e votuar.

Ju leni dhënë për këtë fushatë gjënë më të shtrenjtë që keni, kohën tuaj. Ju keni treguar se në të ardhmen mund të jemi shumica e nesërme.

Dua që të falenderoj vëzhguesit që kanë qenë sytë tanë në këto zgjedhje.

Dua të falenderoj mbi 300 shqiptarë dhe në diasporë të cilët dhanë ndihmën e tyre për të financuar fushatën tonë.

Kam një falenderim për 10216 votuesit tanë, faleminderit që nuk u bëtë pjesë e shit-blerjes së votës dhe as e atyre që shkojnë tek ai që ka më shumë shanse për të fituar.

Ju zgjodhët një derë. Iu kërkojmë ndjesë që nuk mund ta çojmë të paktën këtë herë zërin tuaj në parlament. Ky është një sistem i pandershëm që e deformon me ligj votën tuaj. Kjo na bën neve që të vazhdojmë edhe më shumë betejën tonë.

Mijëra prej kush votuat për herë të parë duke na besuar neve. Ne kemi më shumë punë për të bërë, për të sjellë në zgjedhje ata 700 mijë shqiptarë që nuk morën pjesë në zgjedhje”,- tha Endri Shabani.

spot_img

Më shumë

spot_img
spot_img