Hapësire reklamuese

Çështjet kryesore

Politikë

Kryeparlamentarja Lindita Nikolla, reagon për vrasjen e 8 vjeçarit në Fier: Autori i këtij krimi barbar të marrë ndëshkimin maksimal!

Shkruar nga Newsbomb
Kryeparlamentarja Lindita Nikolla, reagon për vrasjen e 8 vjeçarit

Kryetarja e Kuvendit Lindita Nikolla, ka reaguar sot për vrasjen e 8-vjeçarit Mateo Vasiu në Fier. Ajo kërkon nga drejtësia që autori i këtij krimi makabër, shtetasi Klodian Çalamani, të marrë dënim maksimal.

“Dje Shqipëria humbi një fëmijë, një engjëll të vogël tetëvjeçar. Krimi i tmerrshëm ndodhi në Fier. Pas këtij krimi qëndron një histori lëshimesh dhe një zinxhir përgjegjësish. Nëse ato do të ishin shmangur, Mateo sot do të ishte në shkollë, me shokët dhe shoqet e tij.

Krimineli ka dhunuar edhe më parë dhe për një krim të rëndë ka marrë një dënim përkëdhelës.  Të gjithë duhet të nxjerrim mësime nga kjo që ndodhi dhe autori i këtij krimi barbar duhet të marrë ndëshkimin maksimal. Shoqëria dhe komunitetet duhet gjithashtu të reflektojnë.

Krimet ndodhin para syve edhe për shkak të mungesës së vëmendjes dhe reagimit tonë. E kam të vështirë të gjej një fjalë ngushëlluese për prindët dhe familjarët e Mateos. Asgjë nuk lehtëson dhimbjen e padurueshme të tyre. U prehsh në paqe, engjëll!”, shkruan në reagimin e saj Kryetarja e Kuvendit, znj. Lindita Nikolla.

Lexo gjithashtu

Sondazh

Poll