Kryeministrja e Britanisë së Madhe, Theresa May është vendosur nën kritika të forta pas vendimit për të mos dënuar pezullimin e emigracionit në SHBA nga shtatë shtete myslimane.
Gjatë konferencës me homologun turk, Binali Yıldırım, May u pyet nga gazetarët nëse e dënonte veprimin e Trump për të ndaluar emigracionin dhe nëse ishte kjo mënyra se si shtetet liberale funksionojnë. Por përgjigja e kryeministres ka zhgënjyer shumë njerëz në Britani.
“SHBA është përgjegjëse për politikën e refugjatëve në SHBA”, ishte përgjigjja e paplotë e May, e cila u mundua të shmangej disa herë.
Ky veprim është kritikuar menjëherë nga ish-kryetari i Partisë së Punës, Ed Miliband, kryebashkiaku i Mançesterit, Andy Burnham, gazetari i “The Guardian”, Alan Travis dhe gazetari i “Sunday Times”, Tim Shipman.