Kryeministri ukrainas Denys Shmyhal mbërriti mëngjesin e sotëm në Shtëpinë e Bardhë, në SHBA së bashku me Oksana Markarova, ambasadoren e Ukrainës në Shtetet e Bashkuara.
Shmyhal u prit nga presidenti Joe Biden dhe këshilltari i sigurisë kombëtare, Jake Sullivan.
Biden pritet të japë së shpejti komente për luftën e Rusisë, si dhe të njoftojë ndihmën për Ukrainën.
Sekretarja e Thesarit e SHBA-së, Janet Yellen do të takohet gjithashtu me kryeministrin Shmyhal.
Në takim, Yellen pritet t'i tregojë kryeministrit ukrainas se Shtetet e Bashkuara synojnë të ofrojnë "një financim shtesë prej 500 milionë dollarësh të menjëhershëm për të ndihmuar Ukrainën të vazhdojë operacionet kritike të qeverisë, të tilla si pagat, pensionet dhe programet e tjera, të nevojshme për të shmangur një përkeqësimi i situatës humanitare në Ukrainë.
Kjo bazohet në mbështetjen e drejtpërdrejtë ekonomike prej 500 milionë dollarësh që presidenti Biden njoftoi në mars.