Kryeministri i Rusisë Dimitri Medvedev do të vizitojë në 20 tetor Serbinë me rastin e 75-vjetorit të çlirimit të Beogradit nga trupat naziste.
Numri 2 i shtetit rus do të pritet në një ceremoni të veçantë nga presidenca, qeveria dhe parlamenti serb. Ai do të mbajë një fjalim në kuvendin serb. Sipas mediave kombëtare, Medvedev do të diskutojë për çështje të veçanta me presidentin serb Aleksandër Vuçiç, ku në fokus do të jetë dhe negociatat midis Serbisë dhe Kosovës.
Medvedev e viziton Serbinë pas 10 vitesh, në kohën kur ushtronte detyrën e presidentit të Rusisë.