Kryeministri francez, Jean Castex ka deklaruar se pas miratimit të AstraZeneca nga Agjensia Europiane e Barnave, do të vaksinohet menjëherë.
Po ashtu edhe presidenti francez, Emmanuel Macron tha se shpresonte të rifillonte sa më shpejt vaksinimi në të gjithë vendin me vaksinën e AstraZeneca, nëse EMA do ta lejonte përdorimin e saj, pas pezullimit nga disa shtete europiane.
Ditën e djeshme kompania e AstraZeneca reagoi duke thënë se përfitimet e vaksinës janë më të mëdha se rreziqet. AstraZeneca dhe OBSH kanë thënë se nuk ka prova se vaksina mbart një rrezik në rritje të mpiksjes së gjakut.