Ish-ministri i Drejtësisë, Ylli Manjani ka reaguar kundër gjuhës raciste të kreut të qeverisë.
Sipas Manjanit, gjuha raciste, që nxit urretje ndërmjet njerëzve dhe përçarje sociale është e papranueshme.
“Kur këtë gjuhë e përdor Kryeministri është edhe me e rëndë! Kur Kryeministri është i një vendi anëtar i Këshillit të Europës dhe NATOs, situata bëhet ndërkombëtarisht e rëndë”, shprehet Manjani.
Ish-ministri hedh akuza ndaj kryeministrit Rama, i cili sipas tij është fajtor ndaj dhunës së djeshme në protestë.
Postimi i plotë:
Gjuha rraciste, që nxit urretje ndërmjet njerëzve dhe përçarje sociale është e papranueshme!
Kur këtë gjuhë e përdor Kryeministri është edhe me e rëndë!
Kur Kryeministri është i një vendi anëtar i Këshillit të Europës dhe NATOs, situata bëhet ndërkombëtarisht e rëndë!
Kjo lloj gjuhe në Europë është përdorur për herë të fundit në prag dhe gjatë luftës së dytë botërore. Pas luftës perëndimi e ndaloi rreptësisht përdorimin e kësaj gjuhe.
Janë prerë koka, jo thjesht gishta në shoqëri ku gjuha e urrejtjes ka qenë prezente.
Ndaj fajtor i dhunës së djeshme është gjuhëlëshuari Edvin Rama.
Me këtë gjuhë përçarje kërkon të fshehë krimin financiar të radhës: zifti të Astiri del më shtrenjtë se floriri!
Ky quhet ABUZIM i pastër!