
Deputetja e Partisë së Lirisë, Monika Kryemadhi ka reaguar në lidhje me situatën kaotike ditën e sotme në Kuvend.
Kryemadhi shkruan se nuk është më opozita e “7x7 =42”. Ajo ndër të tjera shkruan vjedhja me inceneratorin e Tiranës do të çojë para drejtësisë kryeministrin Edi Rama dhe kryebashkikaun e Tiranës, Erion Veliaj.
“Jeni zbuluar me firmat tuaja, e nuk ka aritmetikë që ju del për zot”, shkruan Kryemadhi ndër të tjera.
“Edi Rama duhet të dijë se në opozitë ka kohë që 7×7 nuk bëjnë më 42! Kalkolatriçja e kolauduar i ka përllogaritur me preçizion vjedhjet me inceneratorin e Tiranës. Dhe do ta çojë përpara drejtësisë Edi Ramën dhe Erion Veliajn, ashtu siç ka çuar gjysmën e qeverisë dhe drejtorët e bashkisë. Jeni zbuluar me firmat tuaja, e nuk ka aritmetikë që ju del për zot. To be continued…”, shkruan Kryemadhi.