Kryetarja e Lëvizjes Socialiste për Integrim Monika Kryemadhi, ka komentuar deklaratat e eurodeputetëve, të cilët thanë se Parlamenti është legjitim dhe se zgjedhjet ishin të rregullta, duke hedhur poshtë pretendimet për blerjen e votave.
Gjatë takimit me strukturat e LSI-së në Roskovec, Kryemadhi tha se deklaratat e bëra nga eurodeputetët janë të paguara nga kryeministri Edi Rama.
'Keni dëgjuar deklarata të ndryshme, jo ky këtu, jo ky atje, jo ky eurodeputeti këtu, jo ky eurodeputeti atje. As mos u sugjesiononi fare, asgjë nuk janë. Deklarata të paguara, të bëra qoka për t'u përkthyer në përkrahje për eurodeputetët diku me koncesione, diku me para e diku me shërbime në natyrë. Më thoni në 8 muajt apo në vitin e fundit çfarë takimi ka pasur Edi Rama si kryeministër me një kryeministër të çdo shteti europian. Mbani mend ndonjë takim ju? Asgjëkundi. Është gati të bëjë çdo gjë vetëm të bëjë një fotografi me dikë. Nuk vajti as në Amerikë, as në Gjermani, as Francë, Itali, në asnjë vend të bashkimit europian', tha Kryemadhi ndër të tjera.