Kryebashkiaku demokrat i Kavajës, Isa Sakja reagon pas mbylljes së procesit të votimit në të gjithë vendin, duke falenderuar qytetarët e bashkisë së tij, që masivisht zgjodhën të bojkotojnë votimet.
Sakja thotë se sipas burimeve të tij që kanë monitoruar dhe filmuar me kamera Qendrat e Votimit, nga 63,445 votues në Kavajë kanë marrë pjesë në proces vetëm 5,208.
Sipas tij ka patur edhe raste kur një person ka votuar mbi 4 herë.
Reagimi i kryebashkiakut Isa Sakja:
Faleminderit Kavaja!
Faleminderit qytetarë të bekuar të bashkisë së madhe Kavajë, qytetarë të Luzit, Golemit, Synejit dhe Helmasit që refuzuat dhe përbuzet me trimëri farsën e sotme elektorale!
Nga monitorimet tona të filmuara në çdo qendër nga anëtarët e mbështetësit tanë, nga media lokale dhe ajo kombëtare për 12 orë rresht rezulton të kenë votuar 5208 vetë nga 63445 votues të regjistruar ose rreth 8% e personave me të drejtë vote.
Faleminderit që sfiduat presionin!
Keqardhje për ju që votuat për të gjithë familjen, ju që votuat mbi 4 here.
Ju kemi te dokumentuar dhe te identifikuar.
Keqardhje qe nuk u ngritet dot ne lartesine e shpirtit te lire e demokrat kavajas.
#rroftekavaja
#rroftedemokracia
#qytetibekuar