Zyrtarët rusë të burgut po kërcënojnë se do të fillojnë të ushqejnë me forcë kritikun e burgosur të Kremlinit, Alexei Navalny, pasi ka humbur 8 kilogram që prej fillimit të grevës së urisë.
"Duke parë seriozitetin e grevës së urisë, administrata po kërcënon çdo ditë për të filluar ushqimin me forcë," tha ekipi i Navalny në një postim në llogarinë e tij në Twitter.
Sipas tyre Navalny, i cili javën e kaluar tha se kishte kollë dhe ethe, ishte transferuar përsëri në kazermat e burgut nga infermierja e tij.