Hapësire reklamuese

Bota

Krishtlindjet më të ftohta në dekada, SHBA goditet nga stuhia dimërore, temperaturat do zbresin deri në -45 °C

Shkruar nga Newsbomb
Krishtlindjet më të ftohta në dekada, SHBA goditet nga stuhia

Një stuhi e fuqishme dimërore e Arktikut po kalon nëpër SHBA dhe pjesë të Kanadasë, duke sjellë me vete temperatura të ftohta dhe vonesa të fluturimeve përpara ditëve më të ngarkuara të vitit, për shkak të Krishtlindjes dhe Vitit të Ri.

Më shumë se 100 milionë njerëz në të gjithë SHBA janë nën alarmet e motit dimëror dhe kushtet me borë pritet të shkaktojnë kaos udhëtimi këtë fundjavë. Aeroportet kryesore tashmë kanë anuluar fluturimet në pritje të stuhisë. I ftohti mund të sjellë Krishtlindjet më të ftohta në dekada, thonë parashikuesit.

Shërbimi Kombëtar i Motit (NËS) tha se temperaturat deri -50F (-45C) dhe -70F janë të mundshme deri në fund të kësaj jave në disa pjesë të vendit. Edhe Florida, shteti Sunshine, parashikohet të shohë Krishtlindjet më të ftohta në 30 vjet.

NËS e ka quajtur atë një ngjarje të motit dimëror "një herë në gjeneratë", veçanërisht pasi stuhia arrin rajonin e Liqeneve të Mëdha, ku presioni i saj pritet të arrijë në ekuivalentin e një uragani të kategorisë 3.

Stuhia po sjell me vete edhe reshje bore dhe erëra të fuqishme, të cilat pritet të shkaktojnë dëme dhe ndërprerje të energjisë në Midwest dhe Kanada.

 

Sondazh

Poll