Alket Veliu, Kryetari i Fondacionit Çamëria “Hasan Tahsini” shprehet se ligji i luftës me Greqinë ekziston dhe në qëndrimin e tij, ai thotë se ka dyshime se nuk do të abrogohet.
I ftuar në “Ora e Betit”, Veliu theksoi se ligji i luftës sot nuk hiqet sepse në Greqi ka prona të shtetasve shqiptarë, dhe kjo përdoret si mjet presioni nga vendi fqinj.
“Ligji i luftës ekziston edhe pse shumë zëra brenda dhe jashtë Shqipërisë tentojnë t’i japin interpretime të tjera ose ta mohojnë. Kjo është dëgjuar nga Dendias apo edhe ministrja të tjerë që e kanë quajtur si një histeri historike.
Ligji i luftës sot nuk hiqet sepse kemi të bëjmë me edhe me prona të shtetasve shqiptarë në Greqi. Kjo është në duart e Greqisë si një mjet presioni dhe kam dyshime nëse do të hiqet ky ligj lufte”, u shpreh Alket Veliu, Kryetari i Fondacionit Çamëria “Hasan Tahsini”.