Drejtori i Përgjithshëm i Burgjeve, Agim Ismaili ka ngritur alarmin për sigurinë e burgjeve në vend.
Shqiptarja.com ka publikuar një shkresë, që Ismaili i ka dërguar Prokurores së Përgjithshme Arta Marku, Ministres së Drejtësisë Etilda Gjonaj dhe prokurorive të rretheve.
Në letrën e Ismailit ngrihet shqetësimi se nga burgjet po lirohen të burgosur që nuk kanë përfunduar kryerjen e dënimit. Sipas shkresës së publikuar hilja, është se prokurorët e rretheve po u njohin ditët e punës të dënuarëve, duke u konvertuar dënimin.
Por, në letrën që Ismaili u dërgon prokurorive të rretheve, Arta Markut dhe Etilda Gjonajt, sqaron se “me hyrjen në fuqi të ligjit nr.8328, dt 16.04.1998 “Për të drejtat dhe trajtimin e të dënuarve me burgim” dekreti i Presidiumit të Kuvendit Popullor nr 7298 dt 8.4.1989 “ Për zbritjen e dënimit të personave të dënuar me heqje të lirisë që aktivizohen në punë” u shfuqizua dhe madje urdhëruar nga Prokuroria e Përgjithshme në 2004 për zbatim të menjëhershëm.
Sakaq, Agim Ismaili merr shkas nga rasti i fundit, ku vetëm pak kohë më parë, u la i lirë pa përfunduar dënimin i dënuari me rrezikshmëri të lartë, Lulzim Cakaj. Marrë shkas nga kjo, kreu i burgjeve ka ngritur alarmin.