Komisioni i Pavarur i Kualifikimit ka konfirmuar sot në detyrë, gjyqtaren e Gjykatës së Krimeve të Rënda, Daniela Shirka.
Komisioni i Vlerësimit përbëhej nga Valbona Sanxhaktari -kryesuese, Roland Ilia -relator dhe Genta Tafa (Bungo)- anëtare.
Kujtojmë se në seancën dëgjimore të ditës së mërkurë, KPK identifikoi mungesë të burimeve të ligjshme për blerjen e një apartamenti dhe probleme në një vendim Shirkës në Gjykatën e Elbasanit të rrëzuar në Apel.
Daniela Shirka e ka filluar karrierën në sistemin gjyqësor në vitin 2003 gjatë kohës që ishte në Shkollën e Magjistraturës.
Ajo është emëruar si gjyqtare në Gjykatën e Elbasanit në vitin 2004 ku ka shërbyer deri në vitin 2015 kur u dekretua pranë Gjykatës së Shkallës së Parë për Krime të Rënda Tiranë.