Kosovë, një qytetar humb jetën nga Covid-i, regjistrohen 17 raste të reja në 24 orët e fundit

Ministria e Shëndetësisë në Kosovë ka publikuar të dhënat mbi situatën pandemike për 24 orët e fundit, ku kanë rezultuar pozitivë 17 qytetarë.

Përgjatë 24 orëve janë shëruar 112 qytetarë të prekur me Covid-19, ndërsa është shënuar një humbje jete.

Njoftimi i IKSHKP:

12 Qershor 2021: Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon:

-Në 24 orët e fundit janë dhënë 3.480 doza të vaksinës kundër COVID-19.

-Prej fillimit të vaksinimit në të gjitha qytetet e Kosovës janë dhënë 96.369 doza të vaksinës.

-Nga 1.774 testime, 17 qytetarë kanë rezultuar pozitiv me virusin COVID-19.

-Gjatë 24 orëve të fundit, është shënuar 1 rast i vdekjes.

-Sot janë shëruar 112 qytetarë, derisa numri i përgjithshëm i të shëruarve është 104.791.

-Në total numri i rasteve aktive është 531.