Zv/kryeministri i Kosovës Besnik Bislimi është shprehu se Albin Kurti pas takimit me të dërguarin e BE-së, Miroslav Lajçak, ka thënë se e ka pranuar vetëm platformën e propozuar nga plani franko-gjerman, ndërsa për zbatimet e marrëveshjeve do të diskutohet në Bruksel.
Pra, sipas Bislimit plani franko-gjerman tregon kornizat për njohjen de fakto të dy vendeve, por detajimi i hapave drejt njohjes do të diskutohen mes palëve në Bruksel.
“Ajo që Kurti ka nxjerrë pas takimit është informata se ai është dakord me platformën e propozuar nga plani franko-gjerman me mbështetje të SHBA-së. Por, platforma vetëm tregon principet dhe veprimet bazë, ndërkaq gjithçka që ka të bëjë me implementimin e saj duhet të diskutohet në aneksin implementues të mes palëve në Bruksel.
Plani franko-gjerman i tregon kornizat bazë që nënkupton njohjen de facto të dy shteteve, ndërkaq se si do të ecë sekuencimi i hapave, cilat marrëveshje nuk janë më të rëndësishme, cilat duhet të modifikohen, cilat të zbatohen, si të zbatohen, për këtë pastaj diskutojnë palët në Bruksel”, është shprehur zv/kryeministri Besnik Bislimi