Tirana
clear sky
38.5 ° C
38.5 °
38.5 °
19 %
4.1kmh
0 %
Die
36 °
Hën
37 °
Mar
37 °
Mër
39 °
Enj
38 °
E diel, 1 Gusht, 2021

Kosova padit Malin e Zi dhe i kërkon 4500 metër katrorë në Budva, pretendime edhe për kthimin e 172 pronave në ish-republikat e Jugosllavisë

spot_img
spot_img

Lajme të ngjashëm

Kosova ka ngritur padi ndaj komunës së Budvës në Malin e Zi, duke kërkuar kthimin e 4500 metrave katrorë tokë, në zonën që tashmë njihet si shëtitorja “Rafailovic”.

Ministria e Drejtësisë së Kosovës pretendon se shteti Kosovar e ka blerë atë parcel toke 60 vite më parë dhe e ka dorëzuar dokumentin në Gjykatën Themelore të Kotorrit, por pala malazeze e ka kundërshtuar padinë, duke kërkuar që të mos pranohet.

Sipas pretendimeve të Kosovës, Këshilli për Politika dhe Çështje Sociale, pranë Krahinës Socialiste Autonome të Kosovës(KSAK) në 22 mars të vitit 1961, e kishte blerë këtë tokë me sipërfaqe 4 mijë e 555 metra katrorë.

Sipas mediave malazeze, Kosova i është referuar Rregullores së UNMIK-ut për Fuqitë e Administratës së Përkohshme në Kosovë dhe Rezolutës 1244 të Organizatës së Kombeve të Bashkuara, por komuna e Budvës thotë se ky pretendim nuk mund të qëndrojë.

Gjykata Themelore e Kotorrit e ka hedhur poshtë padinë e Kosovës, por padia është çuar në Gjykatën e Apelit. Përveç tokës në Budva, Kosova pretendon të marrë edhe 172 prona të tjera në republikat e ish-Jugosllavisë, ku 42 prej të cilave janë në Malin e Zi.

Gjithashtu Kosova pretendon edhe 33 mijë metra katrorë gjirin e Kamenovos, që gjatë kohës së ish-Jugosllavisë është shfrytëzuar si vendpushim për punëtorët nga Kosova.

Më shumë

spot_img
spot_img