Dy raste të reja me Covid-19 dhe asnjë humbje jete.
Ky është bilanci i situatës pandemike në 24 orët e fundit në Kosovë.
Përgjatë 24 orëve të fundit janë shëruar 14 qytetarë të prekur me Covid-19, duke e çuar numrin e përgjithshëm të të shëruarve në 105.241.
Njoftimi i plotë i IKSHKP:
21 Qershor 2021: Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon:
-Në 24 orët e fundit janë dhënë 518 doza të vaksinës kundër COVID-19.
-Prej fillimit të vaksinimit në të gjitha qytetet e Kosovës janë dhënë 134.391 doza të vaksinës.
-Deri më sot 19.518 qytetarë janë vaksinuar me dozën e dytë.
-Nga 1.328 testime, 2 qytetarë kanë rezultuar pozitiv me virusin COVID-19.
-Gjatë 24 orëve të fundit, nuk është shënuar asnjë rast i vdekjes.
-Sot janë shëruar 14 qytetarë, derisa numri i përgjithshëm i të shëruarve është 105.241.
-Në total numri i rasteve aktive është 162.