Një çift bashkëshortësh në Pogradec kanë përfunduar në spital, pasi dyshohet se kanë pirë aksidentalisht lëndë kimike, helmuese.
Bëhet me dije se shtetasit B. O., rreth 42 vjeç dhe bashkëshortja e tij, shtetasja V. O., rreth 40 vjeçe, banues në fshatin Blacë, Pogradec, tashmë ndodhen në kujdesin e mjekëve.
Njoftimi i plotë:
Pogradec – Më datë 20.12.2022, në spitalin e Pogradecit kanë shkuar për mjekim shtetasi B. O., rreth 42 vjeç dhe bashkëshortja e tij, shtetasja V. O., rreth 40 vjeçe, banues në fshatin Blacë, Pogradec, të cilët dyshohet se aksidentalisht kanë konsumuar lëndë kimike helmuese (herbicid).
Të dy këta shtetas ndodhen nën kujdesin e mjekëve.Grupi hetimor po punon për sqarimin e rrethanave të ngjarjes.