Hapësire reklamuese

Politikë

“Konsullata të përbashkëta në Turqi dhe Danimarkë”

Shkruar nga Newsbomb

Ministri i Punëve të Jashtme i Republikës së Kosovës, Enver Hoxhaj, po qëndron në Tiranë ku po merr pjesë në Samitin e Diasporës, i cili ka mbledhur rreth një mijë pjesëmarrës nga 40 vende të ndryshme të botës.

Në një njoftim zyrtar nga MPJ e Kosovës bëhet e ditur se gjatë fjalimit të tij ministri Hoxhaj ka theksuar rolin e diasporës shqiptare në zhvillimet në Kosovë dhe Shqipëri.

Hoxhaj ka theksuar se arritjet e shqiptarëve kanë qenë edhe mision i diasporës shqiptare, të cilët kanë qëndruar historikisht pranë bashkëkombasëve që nga formimi i shtetit shqiptar. Ai vuri në dukje se këto përpjekje kulminuan me pavarësinë e Kosovës, në vitin 2008.

Ministri Hoxhaj po ashtu konfirmoi se Prishtina do të jetë nikoqire në Samitin e ardhshëm të Diasporës dhe bëri të ditur se së shpejti, do të hapen edhe dy konsullata të përbashkëta të Kosovës dhe të Shqipërisë në Turqi dhe në Danimarkë.

“Misioneve tona të përbashkëta konsullore, do t’u shtohen së shpejti edhe dy të tjera në Danimarkë dhe në Turqi”, ka deklaruar Hoxhaj.

Duke u shprehur se ndjehet i lumtur me rrjedhën e zhvillimeve në vitin 2016, Hoxhaj ka shtuar se “Me një diasporë të shpërndarë mirë gjeografikisht, mund të themi që ekziston faktori shqiptar në Ballkan dhe në botë”.

Sondazh

Poll

Lexo gjithashtu