Kryetari aktual i Lidhjes Demokratike të Kosovës, Isa Mustafa, do të kandidojë përsëri për postin e kreut të kësaj force politike.
Lajmin e ka bërë të ditur anëtari i Lidhjes Demokratike të Kosovës, Shefki Gashi.
Ai ka treguar në emisionin “DPT Te Fidani”, në televizionin T7, se Mustafa i ka thënë personalisht se do të kandidojë për kreun e partisë në zgjedhjet e brendshme që do të mbahen së shpejti në LDK.
Sipas tij, njeriu i vetëm që mund ta ruajë stabilitetin në LDK është Mustafa.