Më kërkesë të demokratit Lulzim Basha, gjatë konferencës për sistemin e taksave është mbajtur një minutë heshtje për dy pilotët që humbën jetën ditën e djeshme si pasojë e rrëzimit të avionit. Gjatë fjalës së tij, Basha tha se Shqipëria nuk është vendi që ai si prind do të rrisë fëmijët e tij.
“Qeveria nuk e dëgjon biznesin, qeveria nuk e dëgjon ekonominë, është rritur kostoja duke nisur nga fatura e energjisë, taksave vendore, çmimi i karburanteve. Suksesi i biznesit varet nga afërsia familjare apo xhepiste me qeveritarët.
Modeli i zhvillimit bazuar tek konsumi duket drejt ezaurimit, është fakt që shqiptarët janë sot më të varfër, kurrsesi më të pasur se dje, vulën mbi këto fakte e vulosin qindra mijëra shqiptarë që ikin nga vendi”, tha Basha.
“Nuk është kjo Shqipëria ku ne edhe unë si prind duam të rrisim fëmijët tanë”, theksoi kryedemokrati.