Sot në mbrëmje, reperi i njohur amerikan Rick Ross do të zhvillojë një koncert në një prej club-eve të kryeqytetit. Ai ka mbërritur dje në Tiranë dhe eventi i sotëm është lajmëruar prej muajsh.
Ndonëse kontakti dhe personi që bëri të mundur ardhjen e reperit, Jurgen Kurti ndodhet në qeli, koncerti i Rick Ross do të zhvillohet normalisht. Në rrjetet sociale është ngritur pikëpyetja lidhur me eventin, por club-i që e organizon shkruan se biletat vazhdojnë të jenë në shitje, çka do të thotë se Rick Ross do performojë sot përpara fansave të tij.
Jurgen Kurti u përfshi në tragjedinë e djeshme, ku mbeti i vrarë babai i tij, Artur Kurti dhe u plagos daja Leonard Ristani. Deri më tani, të dy, si Jurgen Kurti dhe Leonard Ristani kanë marrë përsipër vrasjen, por policia ka deklaruar se gjurmët e gishtave te thika, i përkasin Ristanit. Ishte Artur Kurti ai që sipas policisë provokoi ngjarjen e djeshme.