Kreu i Grupit Parlamentar të Partisë Socialiste, Taulant Balla thotë se Komisioni Europian ka vendosur tashmë të sanksionojë ish-kryeministrin Sali Berisha duke ndjekur shembullin e SHBA dhe Britanisë.
Gjatë fjalës së tij në Kuvend, Balla iu drejtua Berishës duke i thënë me ironi se “do të të duhet vizë për të shkuar ehde në Lalëz”.
“Ky turpi i këtij parlamenti, që vjen këtu dhe bën pis foltoren e parlamentit. Ju duhet të keni turp që vazhdoni dhe i rrini nga mbrapa. Megjithatë në fjalën time të para pak minutash, unë sapo kam përshëndetur atë që jam shumë i sigurtë do të ndodhë.
Komisioni Europian, më në fund ka marrë vendimin që në shembullin e SHBA dhe Britanisë së Madhe me sanksionet për individët e përfshirë në korrupsion të lartë. Sikurse ia kam thënë vetë Saliut, kam frikë se do t’i duhet vizë për të shkuar edhe në Lalz”, deklaroi Balla në Parlament.