Pas kërkesës së tij ku ftoi të gjithë publikun që të ngrinin lart celularët me dritë, përveç atyre që ishin të infektuar me HIV dhe burrave homoseksualë, reperi i famshëm DaBaby po “kryqëzohet” nga kritikët në rrjet.
Gjatë koncertit të tij në “Rolling Loud” në Miami, reperi u shpreh se të gjithë të infektuarit me HIV do të vdesin për 2 ose 3 javë. Mirëpo, këto deklarata të tijat të njëpasnjëshme si duket nuk i kanë pëlqyer aspak këngëtares me origjinë shqiptare, Dua Lipa.
Përmes një postimi në rrjetet sociale, Dua është shprehur e tronditur nga këto deklarata të kolegut të saj dhe se nuk mund ta njohë si personin me të cilin ajo ka bashkëpunuar më herët.
“Jam e surprizuar dhe e shokuar nga komentet e DaBaby. Nuk e njoh si personin me të cilin kam punuar. E di që fansat e mi e dinë se cilat janë qëndrimet e mia dhe se e mbështes 100% komunitetin LGBTQ. Duhet të bëhemi bashkë për të luftuar paragjykimet dhe injorancën për HIV/AIDS”,shkruan ajo.